Намская детская модельная библиотека

«Таптыыр сахам тылынан…» өрөспүүбүлүкэтээҕи дьыктаан ыытыы балаһыанньата

1. Балаһыанньа:

1.1. Балаһыанньа «Таптыыр сахам тылынан…» өрөспүүбүлүкэтээҕи дьыктаан (салгыы – дьыктаан) сыалын, соруктарын, тэрээһин торумун, кыттыы бэрээдэгин чопчулуур;

1.2. Дьыктаан сыала: өрөспүүбүлүкэ үөрэнээччилэрин төрөөбүт тылынан суруктара-бичиктэрэ, литэрэтиирэ нуорматыгар эппиэттиир, тупсаҕай буоларыгар үлэлэһии.

Соруктара:

• үөрэнээччини саха литэрэтиирэтигэр, төрөөбүт тылга уһуйуу;
• төрөөбүт тылынан сөпкө саҥарар-суруйар таһымын үрдэтии, сатабылын иҥэрии;
• төрөөбүт тыл култууратын үрдэтии;
• санааны толору арыйа үөрэнии.

1.3. Дьыктааны СӨ Национальнай бибилэтиэкэтин «Оҕо арыллар, ааҕар киинэ» (салгыы – Оҕо ааҕар киинэ) тэрийэн ыытар.

2. Дьыктаан ыытыллар бэрээдэгэ, болдьоҕо:

2.1. Дьыктаан өрөспүүбүлүкэ улуустарын оҕо бибилэтиэкэлэригэр, салааларыгар, оскуолаларыгар ыытыллар. Улууска тэрийээччи ананар;

2.2. Дьыктааҥҥа өрөспүүбүлүкэ оскуолаларын (3 – 8 кылаас) үөрэнээччилэрэ кыттыыны ылаллар;

2.3. Дьыктаан үс бөлөҕүнэн ыытыллар:

• 3-4 кылаас үөрэнээччилэрэ;
• 5-6 кылаас үөрэнээччилэрэ;
• 7-8 кылаас үөрэнээччилэрэ.

2.4. Дьыктаан өрөспүүбүлүкэ үрдүнэн биир күҥҥэ, о.э. 2026 сыл олунньу ый 13 күнүгэр ыытыллар;

2.5. Нам селотун үөрэнээччилэригэр дьыктаан анаммыт күҥҥэ оскуолаҕа ыытыллыаҕа (миэстэтигэр тэрийэр оҕо бибилэтиэкэтин, салааларын көрүүтүнэн, дьаһылынан);

2.6. Дьыктаан II түһүмэхтэн турар, ыытыллар тыла – сахалыы, кыттыы төлөбүрэ суох;

Дьыктаан сорудахтара уонна сыанабыла:

3.1. Кыттааччылар бөлөҕүнэн: 3-4 кылаас үөрэнээччилэрэ, 5-6 кылаас үөрэнээччилэрэ, 7-8 кылаас үөрэнээччилэрэ бэриллибит тиэкиһи истэн суруйаллар;

3.2. Дьыктаан ыытылларыгар экспертнэй дьүүллүүр сүбэ тэриллэр.

3.3. Экспертнэй дьүүллүүр сүбэ үлэтин түмүгүнэн:

• I түһүмэх түмүгүнэн өрөспүүбүлүкэ улуустарыгар, Дьокуускай куорат үөрэнээччилэригэр сааһынан наардаан үс бөлөх кыайыылаахтарыгар: улуус, куорат таһымнаах дипломнар туттарыллаллар:

– 3 – 4 кылаас үөрэнээччилэрэ;

– 5 – 6 кылаас үөрэнээччилэрэ;

– 7 – 8 кылаас үөрэнээччилэрэ;

3.4. Дьыктааҥҥа кыттыбыт үөрэнээччилэр туоһу суругу тэрийэн ыыппыт оҕо бибилэтиэкэлэриттэн, салааларыттан ылаллар (миэстэтигэр кыттыыны ылбыттар – тутатына, миэстэтигэр);

• II түһүмэх түмүгүнэн өрөспүүбүлүкэ кыайыылаахтарын сааһынан наардаан үс бөлөх кыайыылаахтарыгар дипломнар туттарыллаллар:

– 3 – 4 кылаас үөрэнээччилэрэ;

– 5 – 6 кылаас үөрэнээччилэрэ;

– 7 – 8 кылаас үөрэнээччилэрэ.

Дьыктаан түмүгүн, Намнааҕы оҕо библиотекатын анал сыһыарыытыгар https://bibliodeti.namlib.ru/ уонна социальнай ситимтэн ааҕан билиэхтэрин сөп.

Сиһилии билсэр төлөпүөҥҥүт нүөмэрэ: 89244697875