Намская детская модельная библиотека

БАЛАҺЫАННЬА

ССРС култууратын туйгуна, СӨ култууратын үтүөлээх үлэһитэ, СӨ Суруйааччыларын сойууһун чилиэнэ, Нам улууһун Ытык киһитэ, “Отуу уотун” литературнай түмсүү чилиэнэ, мелодист, кыраайы үөрэтээччи, оҕо суруйааччыта Бубякин Иван Афанасьевич-Чөҥөчөх хоһооннорунан “Чөҥөчөхтүү чоргуйуоҕуҥ”, үгэ уонна чабырҕах ааҕыытын күрэҕин балаһыанньата.

Буолар күнэ-дьыла: Бэс ыйын 21 күнэ 2025 с.,  14:00 чаастан.

Буолар сирэ: Нам улууһун «Эҥсиэли» культура уонна сынньалаҥ парката, «Оҕо түһүлгэтэ».

Тэрийээччилэр: Намнааҕы оҕо модельнай библиотеката

Сыала – соруга:

— Оҕолорго биллиилээх мелодист Бубякин Иван Афанасьевич-Чөҥөчөк айымньытын кытта билиһиннэрии;

— Фольклор араас көрүҥнэрин билсиҺии, толоруу;

— Норуот тылынан уус-уран айымньытынан оҕону кыра сааҺыттан, өй-санаа, сиэр-майгы өттүнэн иитии-үөрэтии;

— Айар, толорор дьоҕуру, маастарыстыбаны сайыннарыы.

Күрэх кыттааччылара: Күрэс 2 бөлөҕүнэн ыытыллар:

I бөлөх:  4 — 7  диэри саастаах оҕолор “Чоргуй чообуо чабырҕах” — чабырҕах курэҕэ;

II бөлөх: 1 — 4 алын кылаас оҕолоро  «Үтүктэ, үтүктэ мэниктиэҕиҥ, үгэлээн кэпсиэҕиҥ…» — үгэ күрэҕэ.

Сыаналааһын сүрүн ирдэбилэ:

— Үгэни, чабырҕаҕы сөптөөхтүк толоруу, дорҕоонноохтук, тэтимнээхтик, тылын чуолкайа иһиллэр гына истээччигэ тиэрдиитэ;

— Кыттааччы тас көстүүтэ, таҥаһа-саба;

— Айымньы уобараһын туттан-хаптан, ис хоһоонун арыйыыта;

— Сааһыгар сөп түбэһии;

Күрэх түмүгүнэн кыайыылаахтарга: Бастыҥ толорооччуларга анал ааттар (I, II, III үрдэл) добун суруктарынан наҕараадаланаллар, анал бирииһинэн бэлиэтэнэллэр. Хас биирдии кыттааччыга туоһу сурук туттарыллар.

 Сайаапка хомуйуу: «Намнааҕы оҕо модельнай библиотека» электроннай почтатыгар ыытаҕыт: detskaya18@mail.ru. Билсэр төл.: 89244697875, 89243639535.

Сайаапканы Бэс ыйын 19 күн., 2025 с., диэри хомуйабыт.