Намская детская модельная библиотека

Улуу Кыайыы 80 сылыгар,Саха суругунан литэрэтиирэтэ төрүттэммитэ 125 сылынан уонна Саха суруйааччыта, прозаик, поэт, драматург, Аҕа дойду Улуу сэриитин кыттыылааҕа Тимофей Егорович Сметанин айымньытынан Кэбээйи улууһун В.Е.Колмогоров аатынан Сииттэ орто оскуолатын үөрэнээччилэрэ уонна коллектива “Нам сирэ –Түмэпиэй түмэр түһүлгэтэ”литературнай – краеведческай экспедициянан кэлэн кулун тутар 21 күнүгэр иһирэх көрсүһүүнү Намнааҕы оҕо библиотекатыгар тэрийэн ыыттылар.

Көрсүһүүгэ Саха суруйааччыта, прозаик, поэт, драматург, Аҕа дойду Улуу сэриитин кыттыылааҕа Тимофей Егорович Сметанин төрөппүт кыыһа  Россия профтех. үөрэхтээһинин үтүөлээх маастара, ССРС профтех. үөрэхтээһин туйгуна — Татьяна Тимофеевна Сметанина, Тимофей Сметанин биир дойдулааҕа , Нам улууһун Ленин суола, Эҥсиэли хаһыаттарыгар отдел сэбиэдийсэйинэн, редакторы солбуйааччынан, эппиэттиир секретарынан үлэлээбит,.СӨ үтүөлээх суруналыыһа, СӨ суруйааччыларын сойууһун чилиэнэ, Нам, Кэбээйи улуустарын бочуоттаах олохтооҕо Григорий Константинович  Эверстов – Тыыппалаах, суруналыыс Иннокентий Иннокентьевич  Иванов – Сиэн Болдьу кыттыыны ыллылар.

Сииттэ орто оскуолатын оҕолоро  киһи сэргиир бырайыактаахтар эбит. “Намҥа – Түмэппий түмэр түһүлгэтэ” диэн буойун бэйиэт, саха биллиилээх суруйааччыта Т.Е.Сметанин төрөөбүтэ 105 сылыгар анаан биир дойдулаахтарын олоҕун, айар үлэтин сырдаталлар, кэпсииллэр. Бу бырайыак чэрчитинэн Тимофей Сметанин хоһооннорунан уус-уран дьүһүйүү бэлэмнээбиттэрин сөбүлээн көрдүбүт. Оҕолор дьоһун бэйэлээхтик хоһоон аахтылар,.

“Түмэппий түмэр түһүлгэтэ” сүрдээх сэргэхтик ааста. Бу күн элбэх ырыа ылланна, хоһоон ааҕылынна, тыл этилиннэ.

 Бу экспедицияны, көрсүһүүнү тэрийсибит  Ситим кыраайы үөрэтэр куруһуок салайааччыта Сивцева Анна Лазарьевна улахан махталбытын тиэрдэбит.