Намская детская модельная библиотека

Саха дьахталларыттан бастакы биллиилээх суруйааччы, сэһэнньит, ССРС суруйааччыларын сойууһун чилиэнэ, Саха Республикатын уонна Российскай Федерация культуратын Үтүөлээх үлэһитэ Анастасия Сыромятникова тохсунньу 24 күнүгэр төрөөбүтэ 110 сылын туолар.

Саха дьахталларыттан бастакы биллиилээх суруйааччы Анастасия Саввична Сыромятникова 1915 сыллаахха тохсунньу 24 күнүгэр Томпо оройуонун Байаҕантай нэһилиэгэр, билиҥҥинэн Кириэс-Халдьаайы нэһилиэгин Арыы-Толоон диэн учаастагар төрөөбүт.  1934 сыллаахха Кириэс-Халдьаайы начальнай оскуолатын бүтэрбитэ. 1938 сыллаахха Якутскайдаады педрабфак иккис курсун бүтэрбитэ. Уобаластааҕы партийнай оскуолаҕа үөрэммитэ. 1961 сыллаахха М. Горькай аатынан Литературнай институт иһинээҕи икки сыллаах үрдүкү литературнай курсу үөрэнэн бүтэрбитэ. 

Анастасия Саввична үксүн бэчээт эйгэтигэр үлэлээбитэ, Саха сиринээҕи кинигэ издательствотыгар, кэлин «Эдэр коммунист» хаһыакка редактордаабыта. 1957 с. Суруйааччылар союзтарыгар киирбитэ. 

Бастакы кэпсээннэрэ, очеркалара 1938 с.тахсыбыттара. Уус-уран литература эйгэтигэр аан бастаан оҕо суруйааччытын быһыытынан киирбитэ. Бастакы кинигэтэ, «Хопто» диэн кэпсээннэрин хомуурунньуга 1950 сыллаахха бэчээттэнэн тахсыбыта. Ол кинигэтэ 1951 сыллаахха оҕо литературатын бастыҥ айымньытын быһыытынан Бүтүн Сойуустааҕы куонкурс бириэмийэтин ылбыта. Иккис кинигэтэ «Кыһыл балык» 1956 сыллаахха бэчээттэммитэ. Ити сылларга оҕолорго аналлаах элбэх айымньылары суруйталаабыта. “Айан”, “Быһалаары бытаарбыттар”, “Көннөрүнүү”, “Түөрт сыана”, “Кэскил” кэпсээннэр оҕо аймаххабиһирэппиттэрэ.

Суруйааччы 50-с сыллар иккис аҥаардарыттан 70-с сылларга диэри сэһэн жанрыгар тахсыылаахтык үлэлээбитэ. “Көҥүл сардаҥата” (1958), “Ыраах алааска” (1962-1984), “Дьүөгэлиилэр” (1961), “Дьэдьэннээх халдьаайы”(1963), “Киэҥ аартыкка” (1976) айымньыларын суруйталаабыта. 

Күндү ааҕааччыларбыт, Анастасия сыромятникова айымньыларын киирэн ааҕаргытыгар ыҥырабыт!

«Үчүгэй оҕолор» Кэпсээннэр. Орто уонна улахан саастаах оскуола оҕолоругар. Кинигэни  киирэн➡️ ААХ